മനുഷ്യന് എത്ര വയസു വരെ ജീവിക്കാം ? ലോകം തേടിയ ആ ചോദ്യത്തിന് ഉത്തരം നൽകി ഗവേഷകർ

ഒരു ആ​രോ​ഗ്യവാനായ മനുഷ്യന് എത്ര വയസ് വരെ ജീവിക്കാം ? കാലങ്ങളായി പല ​ഗവേഷകരും ഉത്തരം തേടുന്ന ഒരു ചോദ്യമാണത്, പരമാവധി ഒരു മനുഷ്യന് ജീവിക്കാൻ പറ്റുന്ന കാലയളവ് അല്ലെങ്കിൽ പ്രായം. മാറാ രോ​ഗങ്ങളോ ആരോ​ഗ്യ പ്രശ്നങ്ങളോ ഒന്നും തന്നെയില്ലെങ്കിലും മനുഷ്യർക്ക് ഒരു പ്രായത്തിനപ്പുറം ജീവിക്കാൻ സാധിക്കില്ല.അതായിത് കാൻസർ, ഹൃദ്രോഗം, പ്രമേഹം തുടങ്ങിയ പ്രധാന രോഗങ്ങളെ നിങ്ങൾ ഒഴിവാക്കിയാലും, മനുഷ്യജീവിതത്തിന് സ്വാഭാവിക ജൈവശാസ്ത്രപരമായ പരിധിയുണ്ടാകാമെന്ന് ശാസ്ത്രം സൂചിപ്പിക്കുന്നു.

ജീവിതശൈലിയോ മൊത്തത്തിലുള്ള ആരോഗ്യമോ പരിഗണിക്കാതെ ശരീരത്തിന്റെ പ്രതിരോധശേഷി, സമ്മർദ്ദം, പരിക്ക് അല്ലെങ്കിൽ കോശ നാശത്തിൽ നിന്ന് കരകയറാനുള്ള കഴിവ് എന്നിവ പ്രായമാകുമ്പോൾ ക്രമേണ കുറയുന്നുവെന്ന് സമീപകാല ഗവേഷണങ്ങൾ സൂചിപ്പിക്കുന്നു. ഇത് മനുഷ്യർക്ക് പരമാവധി ആയുർദൈർഘ്യം 120 നും 150 നും ഇടയിൽ ആയിരിക്കാമെന്ന് സൂചിപ്പിക്കുന്നു. വൈദ്യശാസ്ത്ര പുരോഗതികൾ, ആരോഗ്യകരമായ ജീവിതശൈലികൾ, നൂതന ചികിത്സകൾ എന്നിവയ്ക്ക് ആയുർദൈർഘ്യം വർദ്ധിപ്പിക്കാനും ഗുണനിലവാരം മെച്ചപ്പെടുത്താനും കഴിയുമെങ്കിലും നമ്മുടെ ജീവനെ വളരെ വലിയ കാലത്തേക്ക് പിടിച്ച് നിർത്താനാകില്ല. ചുരുക്കത്തിൽ പറഞ്ഞാൽ അവയ്ക്ക് വാർദ്ധക്യ പ്രക്രിയകളെ പൂർണ്ണമായും മറികടക്കാൻ കഴിയില്ലായെന്ന് അർത്ഥം.

നേച്ചർ കമ്മ്യൂണിക്കേഷനിൽ പ്രസിദ്ധീകരിച്ച പഠനം അനുസരിച്ച് രക്തകോശങ്ങളുടെ എണ്ണം, ദൈനംദിന ശാരീരിക പ്രവർത്തനങ്ങൾ തുടങ്ങിയ പ്രധാന സൂചകങ്ങൾ ഗവേഷകർ നിരീക്ഷിച്ചു. സിംഗപ്പൂർ ആസ്ഥാനമായുള്ള ബയോടെക് കമ്പനിയായ ഗീറോയിലെ തിമോത്തി പിർക്കോവ്, റോസ്വെൽ പാർക്ക് സമഗ്ര കാൻസർ സെന്ററിലെയും മറ്റ് അന്താരാഷ്ട്ര സ്ഥാപനങ്ങളിലെയും ടീമുകളുമായി സഹകരിച്ച് നടത്തിയ പഠനം, മനുഷ്യന്റെ ദീർഘായുസ്സിന്റെ സ്വാഭാവിക പരിമിതികളെ എടുത്തുകാണിക്കുന്നു.

ഇതിനായി മൂന്ന് പ്രായ വിഭാഗങ്ങളിലുള്ള വ്യക്തികളെ ഗവേഷകർ നിരീക്ഷിച്ചു. ആദ്യകാല പ്രായപരിധി (16–35), മധ്യവയസ്സ് (35–65), പ്രായമായവർ (65 ഉം അതിനുമുകളിലും). ആരോഗ്യപ്രശ്നങ്ങളോ വിട്ടുമാറാത്ത അവസ്ഥകളോ തടസ്സപ്പെടുത്തിയില്ലെങ്കിൽ രക്തകോശങ്ങളുടെ അളവും ശാരീരിക പ്രവർത്തനവും ഇവരിൽ താരതമ്യേന സ്ഥിരതയുള്ളതായി അവർ നിരീക്ഷിച്ചു. എന്നിരുന്നാലും, കാലക്രമേണ, രോഗങ്ങൾ, പരിക്കുകൾ അല്ലെങ്കിൽ ശാരീരിക സമ്മർദ്ദം എന്നിവയിൽ നിന്ന് പൂർണ്ണമായും സുഖം പ്രാപിക്കാനുള്ള ശരീരത്തിന്റെ കഴിവ് പ്രായമായവരിൽ കുറഞ്ഞു വരുന്നതായി കണ്ടെത്തി.

പ്രായത്തിനനുസരിച്ച് പ്രതിരോധശേഷി കുറയുന്നു. ഇത് ശാരീരിക വെല്ലുവിളികളിൽ നിന്ന് കരകയറാനും ഒപ്റ്റിമൽ പ്രവർത്തനം നിലനിർത്താനുമുള്ള ശരീരത്തിന്റെ ശേഷി ക്രമേണ പരിമിതപ്പെടുത്തുന്നു. അതിനാൽ അവയവം മാറ്റിവയ്ക്കൽ അല്ലെങ്കിൽ നൂതന ചികിത്സകൾ പോലുള്ള മെഡിക്കൽ ഇടപെടലുകൾ ഇല്ലാതെ, മനുഷ്യർക്ക് സ്വാഭാവികമായി ഈ ആയുർദൈർഘ്യ പരിധി മറികടക്കാൻ കഴിയില്ലെന്ന് പഠനം സൂചിപ്പിക്കുന്നു. 120 മുതൽ 150 വർഷം വരെ നിലവിലെ ശരാശരി ആയുർദൈർഘ്യത്തേക്കാൾ കൂടുതലാണ്. ചരിത്രത്തിലെ തന്നെ ഏറ്റവും പ്രായം കൂടിയ യുവതിയായ ജീൻ ലൂയിസ് കാൽമെന്റ് ഉൾപ്പെടെയുള്ളവർ 122 വർഷവും 164 ദിവസവും ജീവിച്ചിരുന്നതായാണ് റിപ്പോ‍ർട്ട്. ഇത് റിപ്പോർട്ടിനെ സ്ഥിരീകരിക്കുന്നു.

Content Highlights- How old can humans live? Researchers have answered the question the world has been searching for.